तीज पर्वमा पशुपतिनाथ मन्दिरमा हुने ठूलो भीडलाई व्यवस्थित गर्न सशस्त्र प्रहरी बलले करिब सात सय जनशक्ति परिचालन गरेको छ।
सशस्त्र प्रहरीका केन्द्रीय प्रवक्ता कालीदास धौवजीका अनुसार दर्शनार्थीको सहजताका लागि स्वास्थ्यकर्मी र एम्बुलेन्ससहित विशेष सुरक्षा व्यवस्था मिलाइएको छ। यस अन्तर्गत करिब १५० महिला सशस्त्र प्रहरी पनि खटाइएका छन्।
सशस्त्र प्रहरी बल नेपाल नं. २० विपद् उद्धार गणका गणपति सशस्त्र प्रहरी उपरीक्षक जीवन केसीको कमाण्डमा हिजो राति २ बजेदेखि ड्युटी परिचालन सुरु भएको प्रवक्ता धौवजीले जानकारी दिए। पशुपति परिसरमै सशस्त्र प्रहरी नायब उपरीक्षकको नेतृत्वमा कमाण्ड पोष्ट स्थापना गरिएको छ भने सम्पूर्ण कमाण्ड नं. ९ पशुपतिनाथ बाहिनी मुख्यालय, काठमाडौँले गर्ने बताइएको छ।
त्यस्तै, उपत्यकास्थित सशस्त्र प्रहरीका विभिन्न युनिटबाट एकै सिफ्टमा तीन सयभन्दा बढी प्रहरी खटाइएको छ। सशस्त्र प्रहरीले भीड व्यवस्थापन, स्वास्थ्य सहायता र आपतकालीन उद्धारका लागि विशेष योजना बनाएको जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
