प्रधानमन्त्री सुशीला कार्कीले आज मन्त्रिपरिषद् विस्तार गर्ने तयारी गरेकी छन् । यसका लागि आन्तरिक छलफल जारी रहेको उनको सचिवालयले जनाएको छ ।
मन्त्री बन्ने सम्भावित नाममा अधिवक्ता ओमप्रकाश अर्याल र पूर्व कार्यकारी निर्देशक कुलमान घिसिङलगायतको चर्चा भए पनि अन्तिम निर्णय भने भइसकेको छैन । हालसम्म सबै मन्त्रालयको जिम्मेवारी प्रधानमन्त्री कार्कीले स्वयं सम्हाल्दै आएकी छन् ।
यसबीच, प्रधानमन्त्री कार्कीले शनिबार ‘जेन–जी’ आन्दोलनका क्रममा घाइते भएका प्रदर्शनकारीलाई काठमाडौंका विभिन्न अस्पतालमा भेटेकी थिइन् । उनले बानेश्वर र महाराजगञ्जलगायत स्थानको अवलोकनसमेत गरेकी थिइन् ।
‘जेन–जी’ आन्दोलनका क्रममा काठमाडौंसहित देशभर आगजनी, तोडफोड र लुटपाट भएका थिए । सो क्रममा शीतल निवास, बालुवाटार, संसद् भवन, सिंहदरबार र सर्वोच्च अदालतजस्ता राज्यका प्रमुख संरचना क्षतिग्रस्त भएका छन् ।
राजनीतिक स्थायित्वका लागि मन्त्रिपरिषद् विस्तारलाई महत्वपूर्ण कदमका रूपमा हेरिएको छ । कार्की नेतृत्वको सरकारले कसलाई मन्त्री बनाउने भन्ने चासो अझै बढेको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
