आइसिसी मेन्स टी-२० विश्वकप एसिया एन्ड इएपी छनोटमा नेपालले सुपर-६ मा स्थान पक्का गरेको छ। समूह-२ को खेलमा आज जापानले कुवेतलाई ५ विकेटले पराजित गरेसँगै नेपाल र जापान अन्तिम खेलअघि नै सुपर-६ मा पुगेका हुन्।
कुवेत लगातार दुई खेलमा हार ब्यहोर्दै समूह चरणबाट बाहिरिएपछि नेपाल र जापानले अन्तिम समूह खेलअघि सुपर-६ मा स्थान बनाएका हुन्।यसअघि बुधबार भएको नेपालले कुवेतमाथि ५८ जित निकालेको थियो।
बिहीबार जापानले पनि कुवेतमाथि ५ विकेटको जित निकाल्यो। कुवेतले दिएको १७८ रनको लक्ष्य जापानले ३ बल खेल्न बाँकी छदा ५ विकेटको क्षतिमा पूरा गर्यो।
जापानका लागि इसम रहमानले ३९ बलमा ९ चौका र २ छक्का प्रहार गर्दै ६४ रन बनाए। यस्तै ओपनर तथा कप्तान कोडावाकी फ्लेमिङले १९ बलमा २८ रन र रविचन्द्रनले २९ बलमा ३९ रन बनाए। ताकाहाशीले १५ बलमा ३ छक्का प्रहार गर्दा २६ रन बनाए।
शीर्ष तीन टोलीमा परेमा नेपाली टोली लगातार दोस्रो पटक र समग्रमा तेस्रो पटक आइसिसी टी-२० कपमा छनोट हुनेछ।
भर्खर्रै युएईको शारजाहमा वेस्ट इन्डिजविरूद्धको टी-२० सिरिज २-१ ले जितेर इतिहास रचेको नेपाली टोली फेरि अर्को इतिहास बनाउने लक्ष्यमा छ।
१७ टोलीले विश्वकप छनोटमा स्थान पक्का गरिसकेको अवस्थामा यो छनोटसँगै आगामी वर्ष टी-२० विश्वकप खेल्ने सबै टोलीको टुंगो लाग्नेछ।
समूह १ – युएई, मलेसिया, कतार , समूह २ – नेपाल, कुवेत, जापानसमूह ३ – ओमान, पिएनजी, सामोआ
सुदिप पौडेल
प्रतिक्रिया
सम्बन्धित खवर
