नेपाली कांग्रेसका कार्यवाहक सभापति पूर्णबहादुर खड्काले महाधिवेशनसम्बन्धी पेस भएका दुई कार्यतालिका पार्टीको आधिकारिक नभई व्यक्तिगत रुपमा तयार पारिएका भएको बताएका छन्।
जारी केन्द्रीय समिति बैठकमा बोल्दै खड्काले ती कार्यतालिकाहरू पार्टीले होइन, केन्द्रीय सदस्य र सहमहामन्त्रीहरूले व्यक्तिगत रूपमा तयार पारेको स्पष्ट पारेका हुन्। “दुई वटा कार्यतालिका पार्टीको होइन, व्यक्तिगत रूपमा आएका हुन्। जिम्मेवारी र भूमिका केन्द्रिय सदस्य र सहमहामन्त्रीहरूले नै लिए,” खड्काको भनाइ उद्धृत गर्दै केन्द्रीय सदस्य गुरु बरालले जानकारी दिए।
त्यसैगरी, खड्काले देश अप्ठ्यारो अवस्थामा रहेको बेला सरकारले निर्वाचन घोषणा गरेको उल्लेख गर्दै कांग्रेसले त्यस निर्वाचनमा भाग लिएर देशलाई स्थिरतातिर लैजानुपर्ने बताए। उनले भने, “सरकारले निर्वाचन घोषणा गरिसकेको छ, अब कांग्रेसले त्यसबाट पछि हट्यो भने निर्वाचन हुनै सक्दैन। त्यसैले हामीले सहभागी भएर देशलाई स्थिरतातिर लैजानुपर्छ।”
उनको भनाइअनुसार पार्टीभित्र देखिएका फरक धारणा र कार्यतालिकाले एकता भङ्ग नहोस् भन्ने हेतुले सबै विषय जिम्मेवार ढंगले हल गर्नुपर्ने बताइएको छ। खड्काले पार्टीलाई संस्थागत एकतामा बाँध्न नेतृत्व तहले साझा सहमति खोज्नुपर्नेमा पनि जोड दिएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
