विघटित प्रतिनिधिसभा पुनःस्थापनाको माग गर्दै नेकपा एमालेले आज मुलुकभरका ७५३ वटै पालिकामा जनप्रदर्शन सञ्चालन गरेको छ।
एमलेको कार्यक्रमअनुसार, पालिकाहरुमा स्थानीय नेता तथा कार्यकर्ताको उपस्थितिमा प्रदर्शन गरी कोणसभा गर्ने कार्यक्रम तय गरिएको छ।
पार्टीका केन्द्रीय प्रचार तथा प्रकाशन विभाग प्रमुख राजेन्द्र गौतमले संविधान र लोकतन्त्रको रक्षार्थ बिहानदेखि सबै पालिकास्तरमा प्रदर्शन तथा र्याली आयोजना गरिएको जानकारी दिए।
उनका अनुसार कात्तिक २२ गते देशका ६ हजार ७४३ वटै वडामा वडा भेला सम्पन्न भइसकेका छन्। आगामी कात्तिक २९ गते जिल्लास्तर र मङ्सिर ६ गते काठमाडौंमा पनि जनप्रदर्शन गर्ने तयारी गरिएको छ।
