भारतको नयाँ दिल्लीस्थित लाल किल्ला नजिक सोमबार साँझ भएको कार विस्फोटप्रति प्रधानमन्त्री सुशीला कार्कीले गहिरो दु:ख व्यक्त गरेकी छन्।
प्रधानमन्त्री कार्कीले सामाजिक सञ्जालमार्फत भारतका प्रधानमन्त्री नरेन्द्र मोदीलाई मेन्सन गर्दै लेखेकी छन्, “हिजो साँझ दिल्लीमा भएको दुःखद विस्फोट घटनाबाट म स्तब्ध र दुःखी छु। पीडित परिवारप्रति गहिरो समवेदना व्यक्त गर्दछु र घाइतेहरूको शीघ्र स्वास्थ्यलाभको कामना गर्दछु। यो दुःखको घडीमा नेपाल भारतसँग ऐक्यबद्ध छ।”
विस्फोटमा परेर ८ जनाको ज्यान गएको पुष्टि भएको छ भने अन्य घाइतेहरू उपचारको क्रममा छन्।
