जल तथा मौसम पूर्वानुमान महाशाखाका अनुसार आज देशभरको मौसम सामान्यतया सफा रहनेछ । हाल कुनै विशेष मौसमी प्रणालीको प्रभाव नभएकोले बिहानदेखि अधिकांश स्थानमा घाम लागेको छ ।
महाशाखाले दिएको विवरणअनुसार दिउँसो कोशी र बागमती प्रदेशका पहाडी भागमा मात्र आंशिक बदली रहने अनुमान गरिएको छ । तर बाँकी सबै भूभागमा मौसम खुला र सुखद रहनेछ ।
राति पनि देशभर आकाश सफा नै रहने सम्भावना रहेको मौसमविद्हरूले जनाएका छन् । पछिल्ला केही दिनयता निरन्तर खुलेको मौसमका कारण बिहान–साँझ हिउँदको चिसो महसुस भए पनि दिनभर घाम लाग्दा सुखद तापक्रम कायम रहेको बताइएको छ ।
