चितवनको इच्छाकामना गाउँपालिका–२ हपनीमा मंगलबार साँझ भएको जिप दुर्घटनामा एक जनाको मृत्यु भएको छ भने दुई जना घाइते भएका छन्।
जिल्ला प्रहरी कार्यालय चितवनका प्रवक्ता रवीन्द्र खनालका अनुसार फिस्लिङबाट हपनीतर्फ गइरहेको जिप दुर्घटनामा परेर ८० वर्षीय वीरबहादुर प्रजाको घटनास्थलमै मृत्यु भएको हो।
दुर्घटनामा सोही स्थानका कर्णबहादुर प्रजा र विष्णु प्रजा घाइते भएका छन्। घाइते दुवैलाई थप उपचारका लागि भरतपुर पठाइएको प्रहरीले जनाएको छ।
जिपमा चालकसहित चार जना सवार थिए। चालक विकास प्रजालाई प्रहरीले नियन्त्रणमा लिएर आवश्यक अनुसन्धान थालेको जनाएको छ।
स्थानीयवासीका अनुसार सडक साँघुरो र मोड हुने ठाउँमा जिप अनियन्त्रित भएर दुर्घटनाग्रस्त भएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
