नेपाल प्रहरीका महानिरीक्षक (आईजीपी) चन्द्र कुबेर खापुङ्गले आफ्नो कार्यकाल सकिनु अघि प्रधानमन्त्री सुशीला कार्कीसँग विदाइ भेट गरेका छन्।
बुधबार सिंहदरवारस्थित प्रधानमन्त्री तथा मन्त्रिपरिषद् कार्यालयमा भएको भेटमा खापुङ्गले कार्यकालका उपलब्धि, संगठन सुधारका प्रयास र आगामी चुनौतीबारे प्रधानमन्त्रीलाई जानकारी गराएका थिए।
सो अवसरमा हालै प्रहरी प्रमुखमा नियुक्त दानबहादुर कार्की पनि उपस्थित थिए। भेटका क्रममा प्रधानमन्त्री कार्कीले खापुङ्गको नेतृत्वमा संस्थागत सुधारका प्रयासको प्रशंसा गर्दै उनको भावी जीवनका लागि शुभकामना व्यक्त गरेकी थिइन्।
आईजीपी खापुङ्ग आज राति १२ बजेदेखि सेवा अवकाश हुँदै छन्। उनले करिब तीन दशक लामो प्रहरी सेवामा विभिन्न महत्वपूर्ण जिम्मेवारी सम्हालेका थिए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
