जेनजी आन्दोलन जाँचबुझ आयोगले सेवानिवृत्त प्रहरी महानिरीक्षक (आईजीपी) चन्द्रकुबेर खापुङलाई राजधानी बाहिर जान रोक लगाएको छ। हिजो मात्रै सेवाबाट अवकाश लिएका खापुङलाई आयोगले स्थानहद तोकेर यस्तो आदेश जारी गरेको हो।
आयोगको निर्णय अनुसार खापुङले हाललाई काठमाडौं उपत्यका बाहिर जान र विदेश भ्रमण गर्न पाउने छैनन्। आयोगले उनीमाथि चलिरहेको अनुसन्धान प्रक्रियालाई सहज बनाउन सो आदेश दिएको जनाएको छ।
जेनजी आन्दोलनका घटनाबारे बनाइएको उच्चस्तरीय जाँचबुझ आयोगले हाल विभिन्न पूर्व अधिकारीहरूमाथि अनुसन्धान अघि बढाइरहेको छ। त्यसै क्रममा खापुङलाई पनि अनुसन्धान सहयोगका लागि उपत्यका बाहिर जान रोक लगाइएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
