आगामी फागुन २१ गते हुने प्रतिनिधि सभा निर्वाचन र माघ ११ गते तय भएको राष्ट्रिय सभा सदस्य निर्वाचनलाई लक्षित गर्दै निर्वाचन आयोगले राजनीतिक दलहरूलाई दर्ताका लागि औपचारिक रूपमा आह्वान गरेको छ।
आयोगले शुक्रबार जारी गरेका छुट्टाछुट्टै सूचनाहरू मार्फत दुवै निर्वाचनका लागि आवश्यक प्रक्रिया प्रारम्भ गरेको जनाएको छ। आयोगका अनुसार प्रतिनिधि सभा सदस्य निर्वाचनका लागि मंसिर १ देखि १० गतेसम्म दल दर्ता गर्न सकिनेछ भने राष्ट्रिय सभा सदस्य निर्वाचनका लागि मंसिर १ देखि ७ गतेसम्म दर्ता अवधि रहनेछ।
दल दर्ताका बेला दलसम्बन्धी विवरण, आयोगमा नाम दर्ता मिति, आवश्यक कागजात तथा पुरानै दर्ता नवीकरण सम्बन्धी विवरण उपलब्ध गराउनुपर्ने आयोगले जनाएको छ।
फागुन २० गतेपछि राष्ट्रिय सभामा एक तिहाइ सदस्य रिक्त हुने भएकाले सोही रिक्तता पूर्तिका लागि माघ ११ गते निर्वाचन तोकिएको आयोगले स्पष्ट पारेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
