जेन–जी आन्दोलनमा सहभागीहरुमाथि प्रहरी हिरासतमा दुर्व्यवहार भएको आरोपपछि राष्ट्रिय मानव अधिकार आयोगले देशभरका प्रहरी हिरासतको निरीक्षण गरेको छ। आयोगको टोलीले विहीबार र शुक्रबार विभिन्न हिरासत स्थलमा पुगेर अवस्थाको तथ्य संकलन गरेको हो।
आयोगका अनुसार भदौ २३ र २४ मा भएका हिंसात्मक घटनापछि पक्राउ परेकाले यातना र अमानवीय व्यवहार सहनुपरेको दाबी गर्दै उजुरी दिएका थिए। सोही उजुरीको आधारमा आयोगले तत्कालै अनुगमन प्रक्रिया अघि बढाएको हो।
निरीक्षणबाट संकलित विवरणलाई आयोगले हाल विश्लेषण गर्दैछ। प्रारम्भिक तथ्य जाँचपछिको विस्तृत रिपोर्ट चाँडै सार्वजनिक गरिने जनाइएको छ। आयोगले प्रहरी हिरासतमा मानव अधिकार मापदण्ड पालनाको अवस्था अब आउने प्रतिवेदनमा स्पष्ट हुने जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
