मुग्लिन–पोखरा राजमार्ग आजदेखि १० दिनसम्म दैनिक चार घण्टा बन्द हुने भएको छ। राजमार्ग सुधार योजनाअन्तर्गत पश्चिम खण्डको स्तरोन्नति तीव्र बनाउन यातायात रोक्ने निर्णय गरिएको सडक आयोजनाले जनाएको छ।
योजना अनुसार आजदेखि हरेक दिन बिहान ६ देखि ८ बजेसम्म र मध्यान्ह १२ देखि २ बजेसम्म सवारीसाधन पूरै रोकिएर निर्माण कार्य गरिनेछ। कार्यालका प्रमुख कृष्णबहादुर कुँवरका अनुसार, कामलाई द्रुत गतिमा अघि बढाउन यातायात बन्द गर्नु अपरिहार्य भएको हो।
हाल तनहुँको जामुने बजारदेखि पोखराको सेती नदी पुलसम्म सडक विस्तार र स्तरोन्नति भइरहेको छ। पोखराको विजयपुर पुलतर्फ ‘अपस्ट्रिम साइड’ मा दुई लेनको प्रिकास्ट तथा प्रिस्ट्रेस प्रविधिको नयाँ पुल निर्माण पनि तीव्र रूपमा भइरहेको छ।
मुख्य सडक बन्द भएका समयमा दुई पाङ्ग्रे तथा साना सवारीसाधनले अर्घौचोक–बेलचौतारा–चाउथे मार्ग प्रयोग गर्न सक्नेछन्। ठूला सवारीका लागि पावर हाउस चोकबाट बौमारा हुँदै बिरौटा निस्कने वैकल्पिक मार्ग सुझाइएको छ।
आयोजनाले यात्रु र चालकहरूलाई आवश्यक योजना बनाएर मात्र यात्रा गर्न आग्रह गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
