आगामी प्रतिनिधिसभा निर्वाचनको तयारीमा निर्वाचन आयोगले सोमबारसम्म ६ लाख २० हजार नयाँ मतदाता थपिएको जानकारी दिएको छ।
आयोगका अनुसार, नियमित सर्भरमार्फत ३ लाख ११ हजार ४१४ जना र राष्ट्रिय परिचयपत्रको आधारमा ३ लाख ८ हजार ५८५ जना नयाँ मतदाता थपिएका हुन्।
निर्वाचन आयोगले आगामी २१ फागुनमा हुने प्रतिनिधिसभा निर्वाचन लक्षित गर्दै मतदाता नामावली संकलन कार्य जारी राखेको छ। सुरुमा नयाँ मतदाताको नाम दर्ता कात्तिक ३० गतेसम्मको समयसीमा तोकिएको थियो भने, पछि समय मंसिर ५ गतेसम्म विस्तार गरिएको छ।
जिल्ला निर्वाचन कार्यालयमा नयाँ मतदाता दर्ताका लागि नागरिकको लाम देखिएको छ, जसले आगामी निर्वाचनमा सहभागी हुन उत्साह देखाएको देखिन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
