सल्यानको बन्गाड कुपिण्डे नगरपालिका–१२ स्थित गोब्राही आधारभूत विद्यालयका शिक्षक, विद्यार्थी र अभिभावक लिएर शैक्षिक भ्रमणमा जाँदै गरेको जिप दुर्घटना हुँदा १० जना घाइते भएका छन्।
कुपिण्डे ताल जाँदै गरेको रा१ज ८७१ नम्बरको जिप शुक्रबार दिउँसो १ बजे तालनजिकै पर्ने आग्नेटा भन्ने ठाउँमा अनियन्त्रित भई सडकमै पल्टिएको थियो।
जिल्ला प्रहरी सल्यानका प्रमुख डीएसपी हेमबहादुर केसीका अनुसार जिपमा २० जना सवार थिए। दुर्घटनामा घाइते भएका सबै शिक्षक, विद्यार्थी र अभिभावक हुन्। घाइतेहरूलाई तत्काल उद्धार गरी उपचारका लागि जिल्ला अस्पताल सल्यान ल्याइएको छ।
डीएसपी केसीले घाइते टोपेन्द्र केसीको अवस्था गम्भीर रहेको बताए। दुर्घटनामा संलग्न जिप चालक, कालीमाटी गाउँपालिका–३ फारुलाका २९ वर्षीय प्रकाश घर्तीलाई प्रहरीले नियन्त्रणमा लिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
