वीरगञ्ज भन्सार कार्यालयले चालु आर्थिक वर्षको पहिलो चार महिनामा करिब ३३ अर्ब रुपैयाँभन्दा बढी राजस्व संकलन गरेको छ। कार्यालयका अनुसार पेट्रोलियम पदार्थ, यातायातका साधन, फलाम, कपडा, मेसिनरी र इलेक्ट्रिक उपकरण आयातबाट उल्लेखनीय रकम उठेको छ।
विशेष विवरणअनुसार, पाँच प्रकारका पेट्रोलियम पदार्थको आयातबाट २२ अर्ब ९० करोड र यातायातका साधन तथा तिनका पार्टपुर्जाबाट १० अर्ब १० करोड राजस्व संकलन भएको छ। फलाम तथा फलामजन्य सामग्रीबाट चार अर्ब ५८ करोड, कपडाबाट चार अर्ब २५ करोड, मेसिनरी तथा पार्टपुर्जाबाट तीन अर्ब १७ करोड, र इलेक्ट्रिक मेसिनरी तथा उपकरणबाट तीन अर्ब ७ करोड राजस्व उठेको कार्यालयले जनाएको छ।
चार महिनामा वीरगञ्जबाट करिब २ खर्ब ८४ अर्ब ८९ करोड मूल्य बराबरका वस्तु आयात भएका थिए। यस अवधिमा संकलित कुल राजस्व ७५ अर्ब ५९ करोड पुगेको भन्सारले जानकारी दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
