धादिङको धुनिवेशी नगरपालिका–६ स्थित चालिसेमा एकैपटक ६ वटा सवारी साधन आपसमा ठोक्किँदा ठूलो दुर्घटना भएको छ। घटनास्थलबाट प्राप्त प्रारम्भिक विवरणअनुसार केही मानवीय क्षति भएको शंका प्रहरीले व्यक्त गरेको छ।
इलाका प्रहरी कार्यालय खानिखोलाले दुर्घटना केहीबेरअघि मात्र भएको र अहिले उद्धार कार्य निरन्तर चलिरहेको जनाएको छ। प्रहरीले एक डिब्बा गाडीको ब्रेक फेल हुनसक्ने कारणले दुर्घटना श्रृंखला सुरु भएको अनुमान गरेको छ।
दुर्घटनामा एउटा स्कुल बस, तीन यात्रुवाहक बस, एक डिब्बा गाडी, एक ट्रक र एक मोटरसाइकल आपसमा ठोक्किएका छन्। घाइतेमध्ये केहीलाई नजिकैको अस्पताल पुर्याइएको छ भने अन्यलाई अहिले पनि पठाउने काम भइरहेको छ।
स्थानीयहरुले यो दुर्घटना यस क्षेत्रमा भएको अहिले सम्मकै डरलाग्दो दुर्घटना भएको बताएका छन् ।
प्रहरीका अनुसार घटनाबारे विस्तृत जानकारी संकलन भइरहेको छ र थप विवरण आउनेक्रम जारी छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
