नेपाली सेनाका पूर्वरथी (जर्नेल) बालानन्द शर्मा परराष्ट्रमन्त्री नियुक्त भएका छन्। राष्ट्रपति रामचन्द्र पौडेलले शुक्रबार शीतल निवासमा आयोजित समारोहमा शर्मालाई पद तथा गोपनीयताको शपथ गराएका हुन्।
शपथ समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमानसिंह राउत, सभामुख देवराज घिमिरेलगायत सरकारका उच्च पदस्थ अधिकारी, सुरक्षाकर्मी र संवैधानिक निकायका प्रमुखहरूको उपस्थिति थियो।
सेनाबाट रथी पदबाट सेवानिवृत्त भएपछि शर्मा सेना समायोजन विशेष समिति सचिवालयको संयोजक बनेका थिए। माओवादी शान्ति प्रक्रियामा विद्रोही लडाकुहरूको नेपाली सेनामा समायोजनको खाका तयार पार्न उनले प्रमुख भूमिका खेलेका थिए।
कोभिड–१९ महामारीका बेला शर्मा कोभिड–१९ संकट व्यवस्थापन केन्द्र (सीसीएमसी) का प्रमुखसमेत बनेका थिए।
शर्मा परराष्ट्रमन्त्री नियुक्त भएसँगै प्रधानमन्त्री सुशीला कार्की नेतृत्वको सरकार १५ सदस्यीय बनेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
