गुरुङ समुदायले पुरानो वर्षलाई बिदाइ गर्दै नयाँ वर्षको स्वागतका रूपमा आज तमु ल्होसार पर्व देशभर हर्षोल्लासका साथ मनाउँदै छन्। ‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई तमु ल्होसार भनिन्छ। गुरुङ समुदायका लागि यो पर्व नयाँ वर्षको सुरुवात हो।
तमु ल्होसार सूर्यको किरण र मौसमसँग सम्बन्धित पर्व मानिन्छ। गुरुङ बाहुल्य रहेका लमजुङ, गोरखा, तनहुँ, स्याङ्जा, मनाङ, कास्की र पर्वतलगायत जिल्लामा पुस महिनामै सूर्यको ताप छिटो पर्ने भएकाले यही समयमा ल्होसार मनाइँदै आएको विश्वास छ। त्यसपछि तामाङ र शेर्पा समुदायले क्रमशः माघ र फागुनमा ल्होसार मनाउने चलन रहेको छ।
पुस १५ गतेको रात वर्षकै सबैभन्दा लामो रात हुने र त्यसपछि दिन लामो हुँदै जाने भएकाले पनि तमु ल्होसारलाई विशेष महत्त्व दिइन्छ। यस अवसरमा आज सरकारले सार्वजनिक बिदा दिएको छ।
तमु ल्होसारको अवसरमा काठमाडौँको टुँडिखेलमा गुरुङ समुदायले विशेष कार्यक्रम आयोजना गरेका छन्। कार्यक्रममा परम्परागत सांस्कृतिक नृत्य, मौलिक पहिरन र गुरुङ समुदायका परिकारहरूको प्रदर्शनी गरिएको छ। आइतबारदेखि सुरु भएको ल्होसार महोत्सवमा हजारौँ सर्वसाधारणको सहभागिता रहेको छ
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
