राष्ट्रिय स्वतन्त्र पार्टी (रास्वपा) मा कुलमान घिसिङ प्रवेश गरेसँगै वैकल्पिक राजनीतिक शक्तिबीच एकता कायम भएको छ। यससँगै रवि लामिछाने, बालेन शाह र कुलमान घिसिङ एउटै मोर्चामा उभिएका छन्।
सोमबार हस्ताक्षर भएको सहमतिअनुसार रास्वपामा अब तीन जना उपसभापति रहने व्यवस्था गरिएको छ। सहमतिका बुँदामा वरीयता स्पष्ट रूपमा उल्लेख नभए पनि उपसभापतिहरूको सूचीमा कुलमान घिसिङको नाम पहिलो स्थानमा राखिएको छ।
कुलमानपछि डिपी अर्याल दोस्रो र स्वर्णिम वाग्ले तेस्रो वरीयतामा छन्। यसअघि दुई उपसभापति हुँदा डिपी अर्याल पहिलो र स्वर्णिम वाग्ले दोस्रो वरीयतामा थिए।
सहमतिको चौथो बुँदामा राष्ट्रिय स्वतन्त्र पार्टीको केन्द्रीय सभापति रवि लामिछाने रहने र उपसभापतिमा कुलमान घिसिङ, डिपी अर्याल र स्वर्णिम वाग्ले रहने उल्लेख छ।
सोमबार राति भएको सहमतिमा रास्वपाका तर्फबाट सभापति रवि लामिछाने र उज्यालो नेपाल पार्टीका तर्फबाट अध्यक्ष अनुपकुमार उपाध्यायले हस्ताक्षर गरेका छन्। काठमाडौं महानगरपालिकाका मेयर बालेन शाह सहमतिका साक्षी बनेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
