फागुन २१ गते सम्पन्न प्रतिनिधिसभा सदस्य निर्वाचनको पछिल्लो मतगणना परिणामअनुसार ७ प्रदेशमध्ये ३ प्रदेशमा नेकपा एमाले ‘क्लीनस्वीप’ भएको छ।
हालसम्मको मतगणना अनुसार ८ सिटमा विजय हासिल गरेको एमालेले गण्डकी, बागमती र मधेश प्रदेश अन्तर्गतका प्रतिनिधिसभा निर्वाचन क्षेत्रमा भने एक सिट पनि जित्न सकेको छैन।
एमालेको तर्फबाट बाँके २ मा मोहम्मद इस्तियाक राई, इलाम २ मा सुहाङ नेम्वाङ, दार्चुला १ मा गणेशसिँह ठगुन्ना, बझाङ १ मा ऐनबहादुर महर, धनकुटा १ मा राजेन्द्रकुमार राई, ताप्लेजुङ १ मा छितिज थेबे, दैलेख २ मा लक्ष्मीप्रसाद पोखरेल र अछाम २ मा यज्ञबहादुर बोगटी विजयी भएका छन्।
त्यस्तै, संखुवासभा १ मा अर्जुनकुमार कार्कीले अग्रता कायम गरेका छन्।
