नेपाली बजारमा बिहीबार सुनचाँदीको भाउ घटेको छ। आज सुनको मूल्य प्रतितोला २ हजार रुपैयाँले घटेको हो।
नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला ३ लाख १७ हजार रुपैयाँ कायम भएको छ। अघिल्लो कारोबार दिन बुधबार भने सुन प्रतितोला ३ लाख १९ हजार रुपैयाँमा कारोबार भएको थियो।
त्यसैगरी आज चाँदीको मूल्य पनि घटेको छ। बिहीबार चाँदी तोलामा २०५ रुपैयाँले घट्दै प्रतितोला ५ हजार ५१५ रुपैयाँ कायम भएको महासंघले जनाएको छ। बुधबार चाँदी प्रतितोला ५ हजार ७२० रुपैयाँमा कारोबार भएको थियो।
नेपालमा सुनचाँदीको मूल्य निर्धारण अन्तर्राष्ट्रिय बजारमा हुने उतारचढावका आधारमा गरिने गरिएको छ। अन्तर्राष्ट्रिय बजारमा मूल्य परिवर्तन भएसँगै त्यसको प्रभाव नेपाली बजारमा पनि देखिने गर्छ।
