नेपाल आयल निगमले शुक्रबारदेखि बजारमा आधा सिलिन्डर ग्यास मात्रै पठाउने निर्णय गरेको छ।
निगमका अनुसार अब उपभोक्ताले ७.१ केजी तौल भएको आधा सिलिन्डर ग्यास किन्न पाउनेछन्। यस आधा सिलिन्डर ग्यासको मूल्य ९५५ रुपैयाँ तोकिएको छ, जुन साविक मूल्यको आधा हो।
निगमले अन्तर्राष्ट्रिय स्तरमा भइरहेको युद्धका कारण ग्यासको माग बढेको र आपूर्तिमा केही समस्या देखिएकाले वितरण व्यवस्थापनका लागि यस्तो निर्णय गरिएको जनाएको छ।
आपूर्ति सहज बनाउन बजारमा अहिलेका लागि आधा सिलिन्डर ग्यास मात्र पठाउने व्यवस्था गरिएको निगमले स्पष्ट पारेको छ।
