शुक्रबार नेपाली बजारमा सुनको भाउ तोलामा २ हजार ८ सय रुपैयाँले घटेको छ। नेपाल सुनचाँदी व्यवसायी महासंघका अनुसार आज सुनको भाउ प्रतितोला ३ लाख १४ हजार २ सय रुपैयाँ कायम भएको छ। अघिल्लो दिन यो मूल्य ३ लाख १७ हजार रुपैयाँमा कारोबार भएको थियो।

त्यस्तै, चाँदीको भाउ पनि तोलामा २० रुपैयाँले घटेको छ। आज चाँदी प्रतितोला ५ हजार ४९५ रुपैयाँ कायम भएको महासंघले जनाएको छ। अघिल्लो दिन चाँदी ५ हजार ५१५ रुपैयाँमा कारोबार भएको थियो।

नेपालमा सुनको मूल्य अन्तर्राष्ट्रिय बजारका आधारमा निर्धारण गरिन्छ, र हालको घटबढ अन्तर्राष्ट्रिय बजारका कारण आएको विश्लेषण गरिएको छ।