गोदावरी नगरपालिका-४ अमलेशैनी गाउँमा एक युवकले भरुवा बन्दुकको प्रयोग गरेर आफ्नी श्रीमतीको हत्या गरेका छन्।

जिल्ला प्रहरी कार्यालय कैलालीका निमित्त प्रमुख प्रहरी नायब उपरीक्षक (डीएसपी) योगेन्द्र तिमिल्सिनाका अनुसार ३१ वर्षीय रामबहादुर मगर जंगलमा बाख्रा चराउन गएका बेला विवाद हुँदा २८ वर्षीया श्रीमती सञ्जिता मगरलाई गोली हानेर हत्या गरेका हुन्।

डीएसपी तिमिल्सिनाले जानकारी दिए अनुसार हत्या पछि रामबहादुरले सोही बन्दुकले आफैंलाई पनि गोली हानेका छन्।

प्रहरीका अनुसार उनको अवस्था गम्भीर रहेको र अहिले सेती प्रादेशिक अस्पतालमा उपचार भइरहेको छ।