राष्ट्रिय स्वतन्त्र पार्टी (रास्वपा)का नवनिर्वाचित सांसद विश्वराज पोखरेलले मुलुक परिवर्तन अपरिहार्य रहेको बताएका छन्।
आइतबार काठमाडौंमा आयोजित ओखलढुंगाको निर्वाचन समीक्षा कार्यक्रममा बोल्दै उनले मुलुकलाई यथास्थितिमा राख्न नसकिने र परिवर्तन आवश्यक रहेको बताएका हुन्।
उनले मुलुक परिवर्तन गराएरै छाड्ने अठोटका साथ गरिएको मेहनत र परिश्रमले आफूहरूलाई विजयको घडीमा पुर्याएको उल्लेख गरे।
पोखरेलले यो जित आफूहरू मात्र नभई सम्पूर्ण जनता र ओखलढुंगावासीहरूको भएको बताए।
उनले भने, “हामीले यो मुलुकलाई परिवर्तन गर्नुपर्छ, यथास्थितिमा राख्न सकिन्न। यो मुलुकको आवश्यकता हो, नागरिकहरूको चाहना र युवाहरूको भविष्यसँग जोडिएको विषय हो। त्यसैले परिवर्तनको अठोटका साथ गरेको प्रयासले आज हामीलाई यहाँसम्म ल्याएको हो।”
पोखरेलले राष्ट्रिय स्वतन्त्र पार्टीप्रति जनताको विश्वास बढ्दै गएको पनि उल्लेख गरे।
उनका अनुसार रास्वपा यस्तो पार्टीको रूपमा उदाएको छ, जसले नेपाली जनताको भविष्य र मुलुकको दिशालाई सही मार्गमा अघि बढाउन सक्छ भन्ने विश्वास सिर्जना गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
