राष्ट्रिय स्वतन्त्र पार्टी (रास्वपा)ले आज दिउँसो ४ बजे केन्द्रीय समिति बैठक बोलाएको छ। बैठकपछि संसदीय दलको बैठक बस्ने र त्यसमार्फत संसदीय दलको नेता चयन गरिने तयारी गरिएको छ।

रास्वपाले संसदीय दलको नेता छनोटसँगै विविध एजेण्डाहरूमा पनि छलफल गर्ने जनाएको छ।

आजै नवनिर्वाचित सांसदहरूले संसद भवन, सिंहदरबारमा पद तथा गोपनीयताको शपथग्रहण गरेपछि पार्टीले केन्द्रीय समिति र संसदीय दलको बैठक आयोजना गर्न लागेको हो। सोही बैठकबाट **बालेन्द्र साह (बालेन)**लाई संसदीय दलको नेतामा चयन गर्ने तयारी रहेको बताइएको छ।

संसदीय दलको नेता चयन भएपछि पार्टीले राष्ट्रपतिसमक्ष संविधानको धारा ७१ (१) बमोजिम गठन हुने सरकारका लागि प्रधानमन्त्रीको नाम पठाउने योजना बनाएको छ।

यसैबीच, आज संसदीय दलको नेता चयन भएलगत्तै भोलि शुक्रबार बालेनले प्रधानमन्त्री पद तथा गोपनीयताको शपथ लिने तयारी समेत गरिएको छ।