वैदेशिक रोजगारीमा जाने कामदारले अब सरकारी मान्यता प्राप्त जुनसुकै अस्पतालबाट स्वास्थ्य परीक्षण गर्न पाउने भएका छन्।
श्रम, रोजगार तथा सामाजिक सुरक्षा मन्त्रालयअन्तर्गत मंगलबार बसेको मन्त्रिस्तरीय बैठकले यस्तो निर्णय गरेको हो। मन्त्री दीपककुमार साहको नेतृत्वमा बसेको बैठकले स्वास्थ्य परीक्षण गर्न इच्छुक स्वास्थ्य संस्थाका लागि सूचीकरण प्रक्रिया खुला गर्ने निर्णय पनि गरेको छ।
मन्त्रालयका अनुसार स्वास्थ्य संस्था सूचीकरण, नवीकरण तथा अनुगमनसम्बन्धी कार्यविधि, २०७२ को दफा ३ अनुसार आवश्यक प्रक्रिया अघि बढाइनेछ।
यसअघि वैदेशिक रोजगारीमा जाने श्रमिकहरूको स्वास्थ्य परीक्षण सीमित स्वास्थ्य संस्थाबाट मात्रै हुँदै आएको थियो। मन्त्रालयको मापदण्डअनुसार हाल १९४ स्वास्थ्य संस्थाले नवीकरण गरी सेवा दिँदै आएका छन्।
नेपाल मेडिकल व्यवसायी सङ्घका महासचिव कृष्णप्रसाद बजगाईंले सरकारको निर्णय सकारात्मक भए पनि निजी स्वास्थ्य संस्था तथा व्यवसायीलाई पनि समेट्ने गरी व्यवस्थापन आवश्यक रहेको बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
