स्थानीय बजारमा सुनचाँदीको मूल्यमा पुनः उल्लेख्य वृद्धि देखिएको छ। आज मात्र सुनको भाउ प्रतितोला ७ हजार ४०० रुपैयाँले बढेको छ भने चाँदी पनि १०० रुपैयाँले महँगिएको छ।
नेपाल सुनचाँदी व्यवसायी महासङ्घका अनुसार बुधबार छापावाल सुनको मूल्य प्रतितोला २ लाख ९७ हजार ६०० रुपैयाँ पुगेको छ। त्यस्तै चाँदीको मूल्य प्रतितोला ४ हजार ९४५ रुपैयाँ कायम भएको छ।
यसअघि मंगलबार सुन प्रतितोला २ लाख ९० हजार २०० रुपैयाँमा कारोबार भएको थियो भने चाँदी ४ हजार ८४५ रुपैयाँमा किनबेच भएको थियो।
सोमबार सुनको मूल्य २ लाख ८३ हजार ५०० रुपैयाँ र चाँदी ४ हजार ७०० रुपैयाँमा कायम थियो। त्यसअघि आइतबार सुन २ लाख ८६ हजार रुपैयाँ र चाँदी ४ हजार ७२० रुपैयाँमा कारोबार भएको थियो।
अन्तरराष्ट्रिय बजारको प्रभाव पनि स्थानीय बजारमा देखिएको छ। अन्तरराष्ट्रिय सञ्चारमाध्यमका अनुसार आज विश्व बजारमा एक औँस सुन ४ हजार ७०५ अमेरिकी डलर र चाँदी ७५ डलरमा कारोबार भइरहेको छ।
लगातार बढ्दो मूल्यले बजारमा सुन खरिद गर्ने उपभोक्तामाथि थप दबाब परेको छ भने लगानीकर्ताहरूको ध्यान पनि सुनतर्फ केन्द्रित हुन थालेको देखिन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
