माध्यमिक शिक्षा परीक्षा (एसईई) का उत्तरपुस्तिका परीक्षणको काम आजदेखि सुरु गरिएको छ।
पहिलो दिन अंग्रेजी विषयको परीक्षा सम्पन्न भएको थियो। सोही विषयको उत्तरपुस्तिका आजैदेखि परीक्षण गर्न थालिएको राष्ट्रिय परीक्षा बोर्डका परीक्षा नियन्त्रक टुकराज अधिकारीले जानकारी दिएका छन्।
आज बिहान ८ बजेदेखि सुरु भएको परीक्षा ११ बजे सकिएको थियो। परीक्षा सम्पन्न भएसँगै सोही परीक्षा केन्द्रमै उत्तरपुस्तिका परीक्षण सुरु गरिएको हो।
परीक्षा नियन्त्रक अधिकारीका अनुसार, जुन विद्यालयका विद्यार्थी हुन्, सोही विद्यालयका शिक्षकलाई ती विद्यार्थीको उत्तरपुस्तिका जाँच गर्न नदिने व्यवस्था गरिएको छ। शिक्षा विकास इकाइबाट खटाइएका शिक्षकहरूको सूची केन्द्राध्यक्षलाई उपलब्ध गराइन्छ र सोही सूचीका आधारमा परीक्षण कार्य अघि बढाइन्छ।
केन्द्राध्यक्षको समन्वयमा अन्य विद्यालयका शिक्षकलाई उत्तरपुस्तिका जाँचको जिम्मा दिइने व्यवस्था गरिएको उनले बताए।
यसैगरी, अन्य विषयका उत्तरपुस्तिकाहरू पनि क्रमशः परीक्षण गरिनेछन्। परीक्षा सकिएको एक महिनाभित्र नतिजा सार्वजनिक गर्ने लक्ष्य राखिएको बोर्डले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
