प्रतिनिधिसभाको पहिलो बैठकमै नेकपा एमालेका सांसदहरूले विरोध जनाएका छन्। बैठक सुरु हुनासाथ एमालेका सांसदहरू उठेर आपत्ति जनाएका हुन्।

ज्येष्ठ सदस्य अर्जुननरसिंह केसीले सांसदहरूलाई बसेर बैठक सञ्चालनमा सहयोग गर्न आग्रह गरेका थिए। तर एमालेका सांसदहरूले विरोध जारी राखेपछि सांसद गुरु बराललाई बोल्न समय दिइएको थियो।

सांसद बरालले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई गलत तरिकाले पक्राउ गरिएको आरोप लगाए। उनले शान्तिपूर्ण रूपमा देशभर गरिएको प्रदर्शनमाथि सरकारले दमन गरेको पनि बताए।

उनले दुवै नेताको तत्काल रिहाइको माग गर्दै सरकारको कदमप्रति असहमति जनाए।