स्थानीय बजारमा शुक्रबार सुनको मूल्य स्थिर रहँदा चाँदीको भाउ भने वृद्धि भएको छ।
नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला दुई लाख ९४ हजार रुपैयाँमै कायम रहेको छ। बिहीबार पनि यही मूल्य कायम रहेको थियो।
यसैगरी, चाँदीको मूल्य तोलामा ५० रुपैयाँले बढेर प्रतितोला चार हजार ८३० रुपैयाँ पुगेको छ। अघिल्लो दिनको तुलनामा चाँदीको भाउमा सामान्य वृद्धि देखिएको हो।
यसअघि बुधबार छापावाल सुनको मूल्य प्रतितोला दुई लाख ९७ हजार ६०० रुपैयाँ र चाँदीको मूल्य प्रतितोला चार हजार ९४५ रुपैयाँ कायम भएको थियो।
अन्तर्राष्ट्रिय बजारतर्फ हेर्दा सुन र चाँदीको मूल्यमा पनि उतारचढाव देखिएको छ। अन्तर्राष्ट्रिय सञ्चारमाध्यमका अनुसार हाल एक औँस सुन करिब चार हजार ७०० अमेरिकी डलर र चाँदी करिब ७३ अमेरिकी डलरमा कारोबार भइरहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
