कानुन, न्याय तथा संसदीय मामिलामन्त्री सोविता गौतम र नेपालका लागि स्वीट्जरल्यान्डका राजदूत डा. ड्यानियल म्युलीबीच शिष्टाचार भेटघाट भएको छ।

सिंहदरबारस्थित मन्त्री गौतमको कार्यकक्षमा आज भएको भेटमा राजदूत म्युलीले उनलाई नवनियुक्तिको बधाई तथा शुभकामना व्यक्त गरेका थिए।

भेटका क्रममा नेपाल र स्विट्जरल्यान्डबीचको दीर्घकालीन मैत्री सम्बन्ध, आपसी सहकार्य, नेपालको शान्ति प्रक्रिया तथा न्यायमा जनताको पहुँच विस्तारका विषयमा दुवै पक्षबीच विचार आदानप्रदान भएको मन्त्री गौतमको सचिवालयले जनाएको छ।