नेपाल आयल निगमले पेट्रोलियम पदार्थको मूल्य पुनः वृद्धि गरेको छ। अन्तर्राष्ट्रिय बजारमा भइरहेको मूल्य उतारचढावलाई कारण देखाउँदै निगमले नयाँ मूल्यसूची लागू गरेको हो।
आजदेखि लागू हुने गरी पेट्रोल, डिजेल, मट्टितेल, खाना पकाउने एलपी ग्यास तथा हवाई इन्धनको मूल्य बढाइएको निगमले जनाएको छ।
निगम सञ्चालक समितिको निर्णयअनुसार पेट्रोलमा प्रतिलिटर १७ रुपैयाँ र डिजेल तथा मट्टितेलमा प्रतिलिटर २५–२५ रुपैयाँले वृद्धि गरिएको छ।
यसैगरी, खाना पकाउने एलपी ग्यासमा प्रतिसिलिन्डर १०० रुपैयाँ वृद्धि गरिएको छ भने हवाई इन्धन (आन्तरिक) तर्फ प्रतिलिटर ६ रुपैयाँ बढाइएको छ।
नयाँ मूल्यअनुसार काठमाडौं उपत्यकामा पेट्रोल प्रतिलिटर २१९ रुपैयाँ पुगेको छ। डिजेल र मट्टितेल प्रतिलिटर २०७ रुपैयाँ कायम भएको छ भने एलपी ग्यासको मूल्य प्रतिसिलिन्डर २१०० रुपैयाँ पुगेको छ।
हवाई इन्धन (आन्तरिक) को मूल्य प्रतिलिटर २५७ रुपैयाँ निर्धारण गरिएको छ।
सरकारले भन्सार महसुल र पूर्वाधार विकास करमा ५० प्रतिशत छुट दिए पनि घाटा कम हुन नसकेपछि मूल्य वृद्धि गर्नुपरेको निगमको दाबी छ।
निगमका अनुसार मूल्यवृद्धिपछि पनि पाक्षिक रूपमा करिब ७ अर्ब ८१ करोड रुपैयाँ घाटा भइरहने अवस्था रहेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
