नेपाल मेडिकल काउन्सिलले केही मेडिकल तथा डेन्टल कलेजहरूलाई विद्यार्थी भर्ना बापतको बक्यौता रकम २१ दिनभित्र बुझाउन निर्देशन दिएको छ।
काउन्सिलले सार्वजनिक सूचना जारी गर्दै पटक–पटक ताकेता गर्दा पनि रकम नबुझाउने प्रतिष्ठानहरूलाई तीन साताको (२१ दिन) अल्टिमेटम दिएको हो।
काउन्सिलका निमित्त रजिष्ट्रार डा. दिपेन्द्र पाण्डेका अनुसार स्नातक तथा स्नातकोत्तर तह सञ्चालन गर्ने कलेजहरूले बुझाउनुपर्ने बक्यौता रकम लामो समयदेखि नतिरेपछि यो निर्णय गरिएको हो।
सूचनामा तोकिएको समयभित्र रकम नबुझाएमा सम्बन्धित कलेज तथा प्रतिष्ठानमा विद्यार्थीको परीक्षण दर्ता तथा विदेशी नागरिक चिकित्सक शिक्षकहरूको दर्ता प्रक्रिया रोक्का गरिने उल्लेख गरिएको छ।
त्यसैगरी, समयमै बक्यौता नबुझाएमा सम्बन्धित कलेज तथा प्रतिष्ठानको विवरण सार्वजनिक गरिने काउन्सिलले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
