प्रधानमन्त्री बालेन्द्र शाहको आलोचना गरेको आरोपमा पक्राउ परेका युट्युबर रोशन पोखरेललाई प्रहरीले रिहा गरेको छ।

उनी पाँचथरको फाल्गुनन्द गाउँपालिकाबाट पक्राउ परेका थिए। प्रधानमन्त्रीलाई गालीगलौज गरेको भन्दै प्रहरीले उनलाई नियन्त्रणमा लिएको थियो।

जिल्ला अदालत पाँचथरबाट १० दिन म्याद थप गरेर अनुसन्धान अघि बढाइएको थियो।

तर, केवल गाली गरेको आधारमा पक्राउ गरिएको भन्दै सामाजिक सञ्जाल र विभिन्न तहबाट आलोचना बढ्दै गएको थियो।

चौतर्फी दबाब बढेपछि प्रहरीले उनलाई रिहा गरेको हो। प्रहरीका अनुसार पोखरेललाई हजुरआमाको जिम्मा लगाएर छाडिएको छ।