नेपाली कांग्रेससँग सम्बन्धित दुई फरक मुद्दामा सर्वोच्च अदालतमा सुनुवाइ भइरहेको छ।
कांग्रेसको आधिकारिकता विवाद र १५औँ महाधिवेशनको कार्यतालिका स्थगनको माग गर्दै दायर रिटमा अहिले बहस जारी रहेको हो।
दुवै मुद्दाको पेसी न्यायाधीश शारंगा सुवेदी र नृपध्वज निरौलाको संयुक्त इजलासमा परेको छ। हाल रिट निवेदक पक्षका कानुन व्यवसायीले बहस गरिरहेका छन् भने त्यसपछि विपक्षी पक्षले आफ्नो धारणा राख्ने छन्।
विशेष महाधिवेशनबाट निर्वाचित गगन थापा नेतृत्वलाई आधिकारिकता दिने निर्वाचन आयोगको निर्णयविरुद्ध तत्कालीन सभापति शेरबहादुर देउवा पक्षले रिट दायर गरेको हो।
यस्तै, उक्त मुद्दा विचाराधीन अवस्थामा रहेको बेला १५औँ महाधिवेशनको कार्यतालिका सार्वजनिक गरिएको र सदस्यता खुला गर्ने निर्णयविरुद्ध तत्कालीन कार्यवाहक सभापति पूर्णबहादुर खड्काले अर्को रिट दायर गरेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
