सरकारले सार्वजनिक यातायातमा विद्यार्थीलाई ४५ प्रतिशत भाडा छुट अनिवार्य रूपमा लागू गर्न निर्देशन दिएको छ।
भौतिक पूर्वाधार तथा यातायात मन्त्रालय अन्तर्गतको यातायात व्यवस्था विभागले यातायात व्यवसायीलाई पत्र पठाउँदै उक्त व्यवस्था प्रभावकारी रूपमा कार्यान्वयन गर्न आग्रह गरेको हो।
विभागका अनुसार २०६५ फागुन २० गते सरकार र यातायात व्यवसायीबीच भएको सहमतिअनुसार विद्यार्थीहरूले सवारी भाडामा ४५ प्रतिशत सहुलियत पाउने व्यवस्था छ।
तर पछिल्लो समय सार्वजनिक सवारी साधनहरूले विद्यार्थीलाई छुट नदिएको भन्दै गुनासो बढेपछि विभागले पुनः कडाइका साथ निर्देशन जारी गरेको हो।
विभागका निर्देशक गणेशमान सिंह राईद्वारा जारी पत्रमा नेपाल यातायात व्यवसायी राष्ट्रिय महासंघ, सार्वजनिक यातायात केन्द्रीय महासंघ र साझा यातायातलाई सम्बोधन गर्दै विद्यार्थीलाई दिइने सहुलियत अनिवार्य रूपमा लागू गर्न भनिएको छ।
विभागका अधिकारीका अनुसार परिचयपत्र भएका विद्यार्थीलाई छुट दिन आनाकानी गर्ने सवारी साधनमाथि आवश्यक कारबाही प्रक्रिया अघि बढाइनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
