अबदेखि सरकारी कर्मचारीका लागि विद्युतीय हाजिरी प्रणाली अनिवार्य गरिने भएको छ। सरकारले मन्त्रालय, विभाग, कार्यालय तथा सबै सरकारी निकायलाई कर्मचारीको हाजिरी विद्युतीय प्रणालीमार्फत लिन निर्देशन दिएको हो।

संघीय मामिला तथा सामान्य प्रशासन मन्त्रालयले बिहीबार परिपत्र जारी गर्दै सम्बन्धित सबै निकायलाई यस्तो व्यवस्था लागू गर्न निर्देशन दिएको जनाएको छ।

मन्त्रालयले कर्मचारीको हाजिरी विद्युतीय प्रणालीबाट सञ्चालन गर्ने र त्यसको विवरण नियमित रूपमा अभिलेखीकरण गर्नुपर्ने व्यवस्था पनि गरेको छ।

यससँगै प्रत्येक १५ दिनको हाजिरी विवरण प्रिन्ट गरी प्रमाणित गरेर सुरक्षित रूपमा अभिलेख राख्न पनि निर्देशन दिइएको छ।