पूर्वगृहमन्त्री ओमप्रकाश अर्यालले सरकारको नेतृत्वलाई शासनकर्ता होइन, सहजकर्ताको भूमिकामा रहन सुझाव दिएका छन् ।
सामाजिक सञ्जालमार्फत प्रतिक्रिया दिँदै उनले सरकारलाई विधि र प्रक्रियामार्फत देशमा थिति बसाल्ने जिम्मेवारी रहेको स्मरण गराएका छन् ।
अर्यालले लेखेका छन्, “विधिमार्फत थिति बसाल्ने जिम्मा दिएको हो । शासनकर्ता होइन, सहजकर्ताको भाव राखौँ । शास्त्र भन्छ– मानवजीवात्मा पनि परमात्माकै अंश हो ।”
यसअघि पनि उनले प्रधानमन्त्री बालेन्द्र शाहलाई लक्षित गर्दै ‘रुल अफ ल’ र ‘रुल बाई ल’बीच फरक रहेको विषय उठाएका थिए ।
उनले त्यसबेला लेखेका थिए, “रुल अफ ल र रुल बाई लबीच तात्त्विक फरक छ । सुशासनको जग बसाल्न रुल अफ लको जगेर्ना गरौँ । दिशाबोध होस्, तत्त्वबोध पनि होस् ।”
अर्यालले दोहोर्याएर दिएको यस सुझावलाई सरकारको कार्यशैलीप्रति गरिएको संकेतपूर्ण टिप्पणीका रूपमा हेरिएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
