आईसीसी विश्वकप लिग–२ अन्तर्गत यूएईविरुद्धको खेलमा नेपाली राष्ट्रिय क्रिकेट टोलीले पहिले ब्याटिङ गर्ने निर्णय गरेको छ।
कीर्तिपुरस्थित त्रिभुवन विश्वविद्यालय क्रिकेट मैदानमा कप्तान रोहित पौडेलले टस जितेर ब्याटिङ रोजेका हुन्।
टोलीका मुख्य प्रशिक्षक स्टुआर्ट लले यस खेलका लागि नेपाली टोलीमा चार खेलाडी परिवर्तन गरेका छन्। अघिल्लो खेलमा रहेका ओपनर कुशल भुर्तेल र आशिफ शेखसँगै बसिर अहमद र करण केसी यसपटक बेन्चमा छन्।
उनीहरूको स्थानमा अर्जुन कुमाल, विनोद भण्डारी, नन्दन यादव र ललित राजवंशीलाई प्लेइङ ११ मा समावेश गरिएको छ।
लामो समयपछि विनोद भण्डारीले सिनियर टोलीमा पुनरागमन गरेका छन् भने अर्जुन कुमालले प्लेइङ ११ मा स्थान बनाएसँगै डेब्यु गर्ने अवसर पाएका छन्।
नेपालले यसअघि पहिलो खेलमा यूएईलाई ३७ रनले पराजित गरेको थियो। घरेलु टोली आजको खेल जित्दै लगातार दोस्रो जित हात पार्ने लक्ष्यमा छ।
लिग–२ मा शीर्ष ६ भित्र रहँदै एकदिवसीय वरियता जोगाउन नेपाललाई जित आवश्यक रहेको छ।
यसअघि ओमानविरुद्धको खेल वर्षाले प्रभावित हुँदा नेपाल डीएलएस मेथडका आधारमा १०२ रनले पराजित भएको थियो।
आजको खेलमा नेपालले यूएईलाई हराउँदै सिरिजमा ४ अंक जोड्ने लक्ष्य लिएको छ भने यूएई पनि अघिल्लो हारको बदला लिने तयारीमा छ।
नेपालको प्लेइङ ११:
अर्जुन कुमाल, विनोद भण्डारी, भिम सार्की, रोहित पौडेल, दीपेन्द्र सिंह ऐरी, आरिफ शेख, गुल्सन झा, सोमपाल कामी, नन्दन यादव, सन्दीप लामिछाने, ललित नारायण राजवंशी
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
