जेन्जी आन्दोलनका क्रममा तोडफोड र आगलागीबाट क्षति पुगेको हयात रिजेन्सी होटलले मर्मतसम्भारका कारण होटलमा कार्यरत सबै १३३ कर्मचारीलाई बर्खास्त गर्ने निर्णय गरेको छ।
होटलका महाप्रबन्धक आशीष कुमारका अनुसार, भदौ २३ र २४ गते आन्दोलनका क्रममा आपराधिक समूहले होटलमा प्रवेश गरी तोडफोड, लुटपाट र आगलागी गरेको थियो। यस क्रममा होटलमा रहेका एक विदेशी पाहुनाको ज्यान गएको थियो भने अन्य अतिथिहरूको सामान र लगेज क्षतिग्रस्त भएका थिए।
महाप्रबन्धकले मानव संशाधन विभागलाई पठाएको पत्रमा उल्लेख गरेअनुसार, होटल बन्द भएको, मर्मतका लागि ऋण खोज्नुपर्ने र हाल कर्मचारी राख्न असम्भव अवस्था रहेको कारणले सबै कर्मचारीलाई मंसिर २२ गतेदेखि लागू हुने गरी बर्खास्त गरिएको हो।
कोभिड–१९ का कारण होटल तथा पर्यटन क्षेत्रमा आएको लामो बन्द र आर्थिक क्षति, साथै हालको घटनाबाट थप आर्थिक चुनौती बढेकाले होटल सञ्चालन गर्न असम्भव भएको महाप्रबन्धकले बताएका छन्। उनले सबै श्रमिक कटौतीको निर्णय श्रम ऐन २०७४ को दफा १४५ बमोजिम गरिएको बताए।
यस निर्णयसँगै होटल उद्योगमा जेन्जी आन्दोलनले पुर्याएको प्रत्यक्ष र अप्रत्यक्ष प्रभाव स्पष्ट भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
