सातदलीय गठबन्धनको समर्थनमा मधेश प्रदेशमा नयाँ सत्ता–व्यवस्था स्थापित भएको छ। कांग्रेस संसदीय दलका नेता कृष्णप्रसाद यादवले सोमबार प्रदेश प्रमुख सुरेन्द्र लाभ कर्णबाट पद तथा गोपनीयताको शपथ ग्रहण गर्दै औपचारिक रूपमा मुख्यमन्त्रीको जिम्मेवारी सम्हालेका छन्।
यादव आगामी मंसिर २४ गते प्रदेशसभामा विश्वासको मत लिने तयारीमा छन्। उनी मंसिर १९ गते ७ दलका ७७ प्रदेशसभा सदस्यको समर्थनमा मधेशको नयाँ नेतृत्वका रूपमा मनोनित भएका थिए। उनलाई नेपाली कांग्रेस, जसपा नेपाल, जनमत पार्टी, माओवादी केन्द्र, लोसपा र पूर्व–एकीकृत समाजवादीका सांसदहरूले समर्थन दिएका छन्।
यसअघि एमाले संसदीय दलका नेता सरोजकुमार यादव ठूलो दलको हैसियतमा मुख्यमन्त्री बनेका थिए। तर विश्वासको मत नपाउने स्थिति स्पष्ट भएपछि सरोजकुमार यादवले राजीनामा दिएका थिए। त्यसपछि गठबन्धनले कांग्रेसका यादवलाई नयाँ नेतृत्वका रूपमा अघि सारेको हो। शपथ ग्रहणसँगै यादवले आजै सानो आकारको मन्त्रिपरिषद् गठन गर्ने तयारीसमेत गरेका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
