नेपाली बजारमा सुनको मूल्य आइतबारको तुलनामा थप बढ्दै हालसम्मकै उच्च बिन्दुमा पुगेको छ। नेपाल सुनचाँदी व्यवसायी महासंघका अनुसार सोमबार प्रतितोला सुनको मूल्य दुई लाख ६० हजार सात सय रुपैयाँ कायम भएको छ। आइतबार मूल्य दुई लाख ५८ हजार आठ सय रुपैयाँ रहेको थियो।
त्यस्तै चाँदीको मूल्य पनि बढेको छ। आइतबारको तुलनामा ४५ रुपैयाँले वृद्धि हुँदै सोमबार प्रतितोला चाँदी तीन हजार ८ सय ७० रुपैयाँमा कारोबार भएको महासंघले जनाएको छ।
विशेषज्ञहरूका अनुसार सुनको मूल्य अन्तर्राष्ट्रिय बजारमा बढ्दो माग, डलरको अधिमूल्यन र भन्सार दर तथा बैंकको लागतलाई आधार मानेर नेपालमा उच्च मूल्य कायम भएको हो। नेपालमा सुनको मूल्य निर्धारण नेपाल सुनचाँदी व्यवसायी महासंघद्वारा गरिन्छ।
२०६६ सालपछि नेपालमा सुनको आयात बैंकिङ च्यानलमार्फत मात्र गर्न पाइने नियम लागु भएको छ। हाल दैनिक २० किलो सुन आयात गर्न सकिन्छ। व्यवसायीहरूले अन्तर्राष्ट्रिय बजारको अवस्था हेर्दा आगामी दिनहरूमा पनि सुनको मूल्य बढ्न सक्ने सम्भावना रहेको बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
