नेकपा (एमाले) का नेता प्रदीप ज्ञवालीले पार्टीको ११औँ राष्ट्रिय महाधिवेशनमार्फत चयन हुने नयाँ नेतृत्वका लागि अध्यक्ष केपी शर्मा ओलीको नेतृत्वमा रहेको प्यानललाई बलियो समर्थन गर्न प्रतिनिधिहरूलाई आग्रह गरेका छन्।
सामाजिक सञ्जालमार्फत आफ्ना धारणा सार्वजनिक गर्दै ज्ञवालीले महाधिवेशन केवल संगठनात्मक प्रक्रिया मात्र नभई वर्तमान राष्ट्रिय राजनीतिका सन्दर्भमा समेत ऐतिहासिक र निर्णायक क्षण भएको बताएका छन्। उनले यस महत्वपूर्ण घडीमा पार्टीलाई एकताबद्ध गर्दै ओली नेतृत्वको टिमलाई सानदार जित दिलाउनुपर्ने उल्लेख गरेका छन्।
महासचिव पद नपाएपछि पदाधिकारीमा उम्मेदवारी नदिने घोषणा गरेका ज्ञवालीले आफू भने पार्टीको केन्द्रीय कमिटी सदस्यका रूपमा उम्मेदवार रहेको जानकारी दिएका छन्। उनले पार्टी कार्यकर्ता र प्रतिनिधिहरूसँग सधैँ नजिक रहने प्रतिबद्धता व्यक्त गर्दै यसपटक पनि मन र मत दुवै पाउने विश्वास व्यक्त गरेका छन्।
ज्ञवालीको यो आह्वानलाई एमाले महाधिवेशनको मतदानको दिन पार्टीभित्र एकताको सन्देशका रूपमा हेरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
