नेकपा (एमाले) को नयाँ नेतृत्व चयनका लागि आज हुने मतदानको समय परिवर्तन गरिएको छ। भृकुटीमण्डपमा आयोजना हुने मतदान अब दिउँसो ४ बजेदेखि सुरु हुने भएको छ।
पार्टीको प्रचार विभाग प्रमुख राजेन्द्र गौतमका अनुसार विद्युतीय मतदान प्रणाली प्रयोग गरिने भएकाले समय सार्नुपरेको हो। भोटिङ मेसिनमा उम्मेदवारहरूको फोटो र विवरण प्रविष्ट गर्न अपेक्षाकृत बढी समय लागेकाले मतदान ढिला सुरु हुने निर्णय गरिएको उनले बताए।
एमाले केन्द्रीय निर्वाचन आयोगका अनुसार एक प्रतिनिधिले मतदान गर्न करिब ३५ मिनेट समय लाग्ने अनुमान गरिएको छ। मतदान प्रक्रिया सम्पन्न भएको एकदेखि दुई घण्टाभित्र मतगणना सकी नतिजा सार्वजनिक गरिने तयारी छ।
यसअघि बिहानै मतदान हुने कार्यतालिका रहे पनि प्राविधिक तयारी पूरा गर्न समय आवश्यक परेपछि मतदान समय पुनः निर्धारण गरिएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
