सर्वोच्च अदालतले भदौ २३ र २४ गतेको जेनजी आन्दोलनको छानबिन गर्न गठित आयोगका अध्यक्ष गौरीबहादुर कार्की र सदस्यहरू विज्ञानराज शर्मा तथा विश्वेश्वरप्रसाद भण्डारीविरुद्ध परेको रिटमा आज निर्णय सुनाउने भएको छ।
अधिवक्ता विपिन ढकालले आयोगका पदाधिकारीहरू पूर्वाग्रही रहेको र प्राकृतिक न्यायको सिद्धान्त उल्लङ्घन भएको आरोप लगाउँदै रिट दायर गरेका थिए। उनले अध्यक्ष कार्कीले आफैंले छानबिन गर्नुपर्ने विषयमा समाचार सेयर र अन्तर्वार्ता दिएको विषय पनि उठाएका छन्।
यो रिटमा न्यायाधीश मनोजकुमार शर्मा, नहकुल सुवेदी र श्रीकान्त पौडेलको पूर्ण इजलासले निर्णय सुनाउने छ। यसअघि हरिप्रसाद फुयाँल र न्यायाधीश अब्दुल अजीज मुसलमानको संयुक्त इजलासले लिखित जवाफ माग्दै कारण देखाऊ आदेश जारी गरेको थियो।
अधिवक्ता ढकालको दाबी अनुसार आयोगका पदाधिकारीहरू तटस्थ नभएको र पूर्वाग्रही धारणा राख्ने व्यक्तिलाई अध्यक्षको रूपमा नियुक्त गर्नु न्याय प्रणालीले मान्ने प्राकृतिक न्यायको सिद्धान्तको उल्लङ्घन भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
