राष्ट्रिय स्वतन्त्र पार्टी (रास्वपा) ले समानुपातिकतर्फको बन्दसूची बनाउँदा केही गल्ती भएको स्वीकार गरेको छ। पार्टीका केन्द्रीय सदस्य गणेश पराजुलीले सूची तयार गर्ने क्रममा त्रुटि भएको भन्दै त्यसलाई सच्याइने बताएका छन्।
पराजुलीले सहमति आवश्यक भएकाले सीमित समयमा धेरै निर्णय गर्नुपरेको बताए। उनले हतारमा काम हुँदा केही कमजोरी भएको स्वीकार गर्दै सुशासन र विधि नै पार्टीको आधार भएकाले गल्ती सुधारिने स्पष्ट पारे।
प्रतिनिधिसभा निर्वाचनका लागि निर्वाचन आयोगमा बुझाइएको रास्वपाको समानुपातिक बन्दसूची अहिले विवादमा परेको छ। पार्टीभित्रैबाट विधि मिचेर सूची बनाइएको भन्दै विरोध भइरहेको छ।
आन्तरिक चुनावमा बढी मत ल्याएका र प्राथमिकतामा पर्नुपर्ने नेताहरू सूचीबाट हटाइएका र साटोमा चर्चित व्यक्ति तथा आर्थिक रूपमा सबल उम्मेदवार समेटिएको आरोप पनि उठेको छ। पार्टी नेतृत्वले भने यी विषयमा पुनरावलोकन गरी आवश्यक सुधार गरिने जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
