महावीर पुनमाथि अभद्र व्यवहार गर्ने व्यक्ति पक्राउ परेका छन्। पोखरा–१३ बाँझापाटनका विकास गुरुङलाई प्रहरीले पक्राउ गरेको हो।
गुरुङले सोमबार पोखरामा ‘महावीर पुन सम्झना, सपना र अविरल यात्रा’ पुस्तक बिक्री गर्दैगर्दा पुनमाथि अभद्र व्यवहार गरेका थिए। सोही क्रममा उनले पुनलाई अपशब्दसमेत प्रयोग गरेका थिए।
घटनाको भिडियो सामाजिक सञ्जालमा भाइरल भएपछि कास्की प्रहरीले अनुसन्धान सुरु गरेको थियो। अनुसन्धानपछि गुरुङलाई पक्राउ गरिएको प्रहरीले जनाएको छ।
अनुसन्धानका क्रममा पक्राउ परेका गुरुङ यसअघि लागुऔषध सम्बन्धी मुद्दामा तीन पटक सजाय भोगिसकेको व्यक्ति भएको खुलेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
