नेपाली कांग्रेसका सभापति गगन थापाले आफ्नो पदबाट राजीनामा दिएका छन्। उनले बुधबार उपसभापति विश्वप्रकाश शर्मालाई सम्बोधन गर्दै राजीनामा दिएको जानकारी पार्टीका सहमहामन्त्री प्रकाश स्नेही रसाइलीले दिएका छन्।
रसाइलीका अनुसार थापाको राजीनामाबारे अब बस्ने केन्द्रीय कार्य समिति बैठकमा छलफल हुनेछ। कांग्रेसले शुक्रबारबाट केन्द्रीय कार्य समिति बैठक बोलाएको छ, जहाँ राजीनामा स्वीकृत गर्ने वा नगर्ने विषयमा निर्णय हुने बताइएको छ।
गत फागुन २१ गते सम्पन्न निर्वाचनमा अपेक्षाअनुसार नतिजा नआएपछि थापा दबाबमा थिए। उनले यसअघि नै राजीनामा दिने संकेत गरेका थिए। तर अन्य पदाधिकारीहरूले राजीनामा नदिन आग्रह गरेपछि उनी तत्काल रोकिएका थिए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
